الحب

موضوع: الحب 10th مايو 2008, 7:03 pm

الحب و ما ادراك ما الحب .. ركبى يسيبوا و قلبى يطب .. الحب الحب

كبيرة صغيرة .. طخينة رفيعة .. طويلة قصيرة .. حلوة أو وحشة .. سمرا و لا بيضا .. كل ده مش مهم مهما كان شكلك مهما كانت طباعك و صفاتك .. فيه حاجة فيكى مشتركة معانا كلنا .. و هو إحساسك بالحب و إحتياجك له لإنه يمتلك و يملأ عليكى كل حياتك .. و يحاوطك فى كل مكان .. هو ده الحاجة الوحيدة اللى مستحيل تزهقى منها مهما طاردتك .. إحساس جميل بيحسسك براحة غير عادية .. دنيا تانية ما حدش بيتمنى فيها حرية .. بالعكس سجن الحب بيكون أحلى بكتير من حرية الشرود فى لا شىء .. إحساس غريب بأن كل الناس حواليكى مجرد كائنات وهمية .. شخص واحد بس هو اللى حقيقى .. هو كل الحياة و كل الكائنات و كل الدنيا .. كلمة واحدة بس هى مفتاح الأمان و سر الإبتسامة الدائمة على ملامح الوجه كلها .. دنيا الخوف من المجهول تتلاشى أمام لحظة صفا و صدق و حنان .. حرية بلا حدود داخل إطار وردى شوكه لا يؤلم و إنما يذكر دائما بأن لحظة فى هذا الإطار تساوى أيام العمر كلها .. نظرات هادئة تحتوى بداخلها الحنان و كأنه عملاق قوى يلتهم كل مشاعرك لتصبحى فريسة ضعيفة بإراتك لتنعمى بمواساة القطة الصغيرة من قبل ما تحبين .. ابتسامات و همهمات كلها بواعث للبهجة التى تغمر قلبك فالحياة ستصبح فيها حبيب هو كل شىء و المحافظة عليه تعنى المحافظة على الحياة .. أفكار تتدفق فى خاطرك فيقرأها هو من داخل أعماقك و يمليها عليكى فى اذنك .. فتسلمى له كل شىء و تؤمنى بقوته الخارقة فى خلق السعادة و غرسها إلى روحك.
أنتى مع من تحبين ملكة متوجة و أميرة عاشقة من السهل أن تتنازلى عن تاج عرشك و تناديه بسيدى فى مقابل أن ترى صورتك لامعة فى ضوء عينيه .. أحضان الأيادى ليس عليها قيود و لم تعد لأى كلمة وجود ، فالأصابع تتكلم بلا أصوات و أنتى تشعرى بكلامها و تردى عليها بضمها و تتمنى فقط أن ترسل أصابعك إحساسها فى أقل من ثوانى .. أوقات كثيرة كثيرة و أيام و ساعات تمر عليكى و كأنها لحظات .. فحبه يسرق منك الحياة و أنتى تهنئينه على سرقته للحياة .. بل و ربما تتمنى أن تنتهى الحياة لحظة فراقه لتعود من جديد عندما تلتقين به .. كلمات تردديها لأول مرة لا تعرفى لها لغة و لا منشأ فهى لغة القلب و منشئها الحب و أنتى تكررى كل يوم معانيها دون أن تخططى لذلك فيتقبلها و كأنه أعلم منك بلغة قلبك و يستكمل ما تنسينه فى حديثك لتفاجئى بأنه هو من أوجد بداخلك هذه الكلمات .. فتتأكدى وقتها بأن ما تشعرين به هو "الحب الحقيقى" و لكن للأسف سينتهى كل شىء بمجرد إنتهاء الحلم و إستيقاظك من النوم .. فلا تحاولى أن تبحثى عن هذا الحب فى الحقيقة فلن تجديه سوى فى الأحلام!

موضوع: رد: الحب 10th مايو 2008, 7:06 pm

الله الله الله
ايه الجمال ده جمال تعبيري فوق الوصف
تسلم ايديكي فعلا ممتازة
اخوكي كريم

موضوع: رد: الحب 10th مايو 2008, 7:18 pm

ميرسى اوووووى ياكريم على ردك الجمبل ده
الحب

ساره

موضوع: رد: الحب 10th مايو 2008, 7:37 pm

تسلمي يا سارة
الحمد لله وحده علي الحب في الله
لانه اعظم شيئ في الوجود ودمتي لي يا اغلي اخت
اخوكي كريم

موضوع: رد: الحب 28th مايو 2008, 9:52 pm

موضوع جميل عندك حق يا سارة فعلا

مفيش احسن من الحب والحب معاني كثيرة

مش شرط حب الحبيب للحبيبة لا فى الحب الله والوالدين وحب الرسول

صلي الله علية وسلم وغيرة وغيرة الكثير

فى انتظار كل ما هو جديد لكى

موضوع: رد: الحب 29th مايو 2008, 12:22 am

تسلمي اختي سارة علي هذا الموضوع الذي انار المنتدي كلة وتسلم ايدك ونحن جميعا في انتظار كل ما هو جديد من يدكي الجميلة

ميدو

موضوع: رد: الحب 1st يونيو 2008, 11:01 pm

ميرسى يا لورد على كلامك الحلو ده والا احلى منه ان انت تشرفت بالرد عليه تقبل تحياتى

موضوع: رد: الحب 1st يونيو 2008, 11:02 pm

اشكرك يا ميدو ميرسى اووى على كلامك وتشجيعاتك الجميله تحياتى ليك ولتقدمك

موضوع: رد: الحب 2nd يونيو 2008, 4:10 pm

انتي انسانة كويسة وبجد انتي تستاهالي كل خير وكل النصائح

تقبلي تحياتي

ميدو

موضوع: رد: الحب 2nd يونيو 2008, 10:54 pm

ربنا يخليك يا ميدو ومشكور جدا على كلامك تحياتى ليك ساره

موضوع: رد: الحب 6th يونيو 2008, 6:36 pm

تسلمي ياسارة

ميدو

موضوع: رد: الحب 8th يونيو 2008, 9:36 pm

ميرسى اووووووووووى يا ميدو انت انسان تستاهل كل خير ربنا بوفقك ساره

موضوع: رد: الحب 17th يونيو 2008, 9:07 pm

تحذير من الادارة ممنوع التعارف ووضع ايميلات شخصية

او عناوين مواقع

» الحب
» كلام عن الحب
» أنه الحب ..... كلمات في الحب
» الحب من طرف ثالث...............
» ما هو الحب ؟؟؟؟؟؟؟؟؟؟؟؟