عشر طرق علشان تعكنن على مراتك

عشر طرق عشان تعكنن على مراتك
1-
اصحى يوم الجمعة بهمة ونشاط وجهز الافطار لزوجتك بس متنساش انك تستخدم 15 طبق واكبر كمية من الملاعق والشوك و 5 حلل من اللي عندكم فى المطبخ و 10 كوبيات لاعداد طبق بيض وسندوتش جبنة
طبعا يُراعى ترك آثار سمنة على الارض مع ترك التلاجة مفتوحة وقشر البيض فى الحوض
*******
2-
اذا كنت بتتفرج على التلفزيون وهي عايزة تغيّر القناة .. قولها معلش الحلقة دى مهمة جدا واحد صاحبي شافها على القناة الفضائية وقالي ان الحلقة دي هى المسلسل كله
ولو كنت بتتفرج على ماتش كورة هيبقى الموضوع اسهل .. كل ما حد من اللاعبين من أي فريق يمسك الكورة قالها معلش ثوانى بقى انا حاسس ان الكورة دي جون حتى لو كان حارس المرمى ماسك الكورة والماتش واقف لان فى واحد مصاب
ملاحظة : اغلب النساء ذوو ثقافة كروية ضعيفة
*******
3-
الصبح وانت رايح على شغلك وهى نايمة تعمد اسقاط اى شئ او خبط الباب بصوت عالى علشان تصحيها هى كمان..اشمعنى انت ؟ ولو حاولت ترجع تنام تانى قالها مادام صحيتى حضري الفطار بقى
*******
4-
فى عيد ميلادها زيّن ليها تورتة عيد ميلادها بخمسين شمعة ولو سألتك لية خمسين رغم ان عندها 15 سنة بس ؟! اتحجج بضعف الاضاءة فى البيت وانت بتبص على النجفة اللى عندكم اللى فيها 30 لمبة مع ابتسامة صفراء خفيفة
*******
5-
لو عاملة ريجيم اجري على السوبر ماركت ومحلات الحلويات واملى التلاجة شكولاتة وحلويات وجاتوهات .. يُراعى التجول وانت مستمتع بأكل الجاتوة امامها
*******
6-
ماتنساش رأيك فى طبيخها لو عاملة لحمة قولّها حلو اوووى الفراخ دي .. ولو طبخة بامية .. جميلة اوى الملوخية دي ياحياتي حطّة عليها ايه ؟؟ ولو عملة كيكة قولّها انا بحب اشرب شاى مع البسكويت الحلو ده
*******
7-
لو طلبتْ منك تنشر الهدوم قولها حاضر مع ابتسامة حنينة وبعد ما تخلص نشر الهدوم ادخل عليها وقولها انا نازل اجيب الهدوم اللى وقعت مني فى الشارع ولو سألتك هو اية اللى وقع ؟ اذكر لها كل هدومها اللى كانت مغسولة مع فردة شراب من بتوعك علشان متبقاش مقصودة منك
*******
8-
لو الزوجة قررت مسح الأرضيات فى البيت حاول انك تروح وتيجي على المناطق المبلولة متحجج بأنك محتاج تتصل ضرورى بواحد صاحبك ومرة عطشان ومرة تانية بتجيب الجرنال ومفيش مانع انك تقول انك حاسس ان التليفون هيرن كمان شوية
*******
9-
لو كانت مشغولة فى نظافة البيت او مع الاولاد وطلبت منك تغسل كوبايتين الشاي بتوع الصبح الموجودين فى الحوض ارجعلها كمان دقيقة من دخولك المطبخ وانت ماسك كوباية من الاتنين وهي مكسورة واسألها فى براءة : ارمي دي فين ؟؟
*******
10-
وانت قاعد تتفرج على التلفزيون وهيّ طالع عينها فى تنظيف البيت وبعد ما تخلص وتيجي يدوبكك تقعد تستريح جنبك بصلها وقالها حبيبتى معلش ممكن كوبية ميّة علشان ضهري بيوجعني

يا ترى كل زوج حنون بيحب زوجته وهى كل حياته وهو زوجه وحبيبه وكل حياته ممكن يعمل فيه كده يارب ينال اعجابكم

طب عندى سؤال من عندى ،، طب هما اتجوزة من الاول ليه

اما النقطة اللى من وجهة نظرى صعبة على الست هى رقم (6)

ميرسى اوووى يا معتز على مرورك الجميل والرد الاجمل منه بس صداقنى الزواج شى اساسى بس دى بقى الشطشط الا بعد الحب بس لو واحد بيحب مراته اووووى مش هيعمل كده هتبفى حباتهم سعاده واتمنى لكل حبيبين السعاده والهنا

انا هنا سارة شكرا كنت بسالك عن اخر خطوط الموضة للمراة البدوية ممكن الرد بسرعة

يا اخ احمد ده منتدى مش سوق غلط اللى بتعملة ده مش المكان المناسب

الادارة سوف تتنحى عن اجراء اى اسلوب ادارى لعدم معرفتك سياسة المنتدى

يوجد اقسام ممكن تضع طلبك فيه

ايه ده يا ساره هو احنا ناقصين توصيه

دول الازواج ما يتوصوش خااالص هههههههههههههههههههه

ههههههههههههههههههههههههههههههههه

ههههههههههههههههههههههههههههههههههههههههه

كل ما اقراه نقطه اقوووول يا نهار ابيض يا ساره ايه ده ههههههههههههههه

بس بصراحه يجننن هههههههههههههههههه

تسلم ايدك يا قموووره

ميرسى اوووى يا مدونا يا قمر بس صدقينى اى زوج بيحب زوجته مش هيعمل كده ممكن يعمل كنظام دلع وحب تقبلى تحياتى وميرسى اووى على مشاركتك

» شوفو علشان الفلوش ايه اللي بيحصل
» بطاقة تعريف بكل عضو اتفضل علشان نقرب من بعض اكتر ا
» حسبى الله ونعم الوكيل علشان ركبتك سوداء اتركى الصلاة