اخطاء ترتكبها البنات وتخسر بها اى شاب

اخطاء ترتكبها البنات وتخسر بها اى شاب

الخطا الاول : محاولة تغيير الرجل

تعرفوا كام ست بتحب رجل اوى وبعد ما ارتبطت بيه عايزة تغيره؟؟
طبعا كتيييييييييير
كام ست خطيبها او جوزها بيعاملها معاملة سيئة جدا والست صابرة اوى اوى ليه صابرة اوى؟؟
كتيييرر طبعا فى احساس منها انه ممكن يتغير

الفكرة ان الست بتوافق على الارتباط برجل عشان عجبها جدااا وبتفضل صابرة على امل انه يتغير وممكن يكون الراجل مفيهوش فايدة اصلا للتغيير بس هى عايزة تحاول وخلاص زى ما تكون داخلة معركة ومراهنة عليه انه هيتغير
طبعا الرجالة مينفعش معاهم الكلام ده

الخطا الثانى : التسرع فى البوح عن المشاعر

خطا ترتكبه كتير من النساء اول ما يلاقوا راجل كويس خاصة لو هو جذاب يبداوا يعبروا عن مشاعرهم بسرعة ويقولوا انا معجبة بيك او ابتديت احبك

غلط غلط غلط

الرجالة ميحبوش الست اللى بتعبر عن مشاعرها بسرعة خاصة لو الراجل ده جذاب او لقطة يعنى اكيد عرف ستات كتير قبل كده وسمع او شاف نظرات اعجاب او عبارات اعجاب منهم وهيحس انك واحدة من الستات الكتير اللى معجبين بيه وده يقلل تعلقه بيكى

الخطا الثالث : توقع ان هذا الرجل هدية من السماء وانه سيغير حياتها للافضل

مشكلة الستات ان كل واحدة فينا فى دماغها ان الراجل اللى هيدخل حياتها او هتتجوزه هو ملاك وانه جاى ينقذها وينقلها على جزيرة والعالم هيكون افضل بعد دخوله فى حياتها

طبعا ده غلط

لانك هتتجوزى انسان زيك وله طبيعة مختلفة وكمان عايشين فى مجتمع وليه ظروفه يعنى لازم تعرفى ان نجاح اى علاقة لابد وانك انتى وهو تبذلوا مجهود لانجاح العلاقة والعمل عليها لتفادى المشاكل

لابد وان يشعر الرجل ان العلاقة مكونة من 2 يعنى يحس انه هيتجوز واحدة هتسعده ويسعدها مش يحس انه جاى عشان يخدمها او يرعاها بشكل اساسى وهو يدى علطول ويحس انه مش هياخد منها حاجة

التصرف ده بيبقى له اثر سلبى على الرجالة جدااا خاصة لو فى يوم قلتى له انك مش الشخص اللى كان فى خيالى ده هيعقده اكتر ويحس انه مش قادر على ارضاءك فى حين انك لو اشتغلتى معاه لانجاح علاقتكم ممكن تبقوا سعيدين جدااا

الخطا الرابع : محاولة جذب رجل غير مهتم بيكى

مشكلة المشاكل على فكرة بسمع كتير اوى من بنات تقولى انا معجبة بواحد بس مش عارفة اوصله ازاى

اقولها طب اذا كان هو مش معبرك انتى معجبة بيه ليه !!!!!!! يعنى هتروحى تخطبيه؟؟؟؟؟

يقول دكتور كريستيان فى كتابه استحالة استحالة تقدرى تجذبى رجل غير مهتم بيكى من البداية اصلا ولو حاولتى معاه انك تقنعيه انك احسن واحدة فى الدنيا برضه مش هيتغير

يقول ايضا ان الرجال لا يحبون المراة التى تعرض نفسها او يفهم الرجل انها تسعى وراءه فالرجل يحب دائما ان يسعى وراء المراة وكانه صياد لابد وان يطاردها ولا يحب ابدا الصيد السهل

الخطا الخامس: الحديث عن علاقاتك السابقة او جروحك القديمة

من الاخطاء اللى بتقوم بيها المراة انها اول ما تلاقى رجل ترتاح له تبتدى تحكيله عن العلاقات السابقة فى حياتها وان قبل كده خطيبها تركها او جرحها

طبعا ده غلط لان ده هيعقد الراجل ويحس انك معقدة من الرجالة وانك هتحاولى انك تنتقمى منه فى صورة الشخص القديم وده هيعمل مشاكل كتيرة اوووى

الافضل ان لو ليكى علاقة ارتباط سابقة متحكيش عن التفاصيل حتى لو هو طلب منك انك تحكى عشان ميبقاش فيه مقارنة او احساس منه انك متعقدة او بتحاولى انك تغيريه عشان متقعيش فى جرح جديد

موضوع مفيد جدا بس مش ليه ههههههه علشان انا رجل يعنى جاسوس هنا هههههه
لا بجد موضوع قيم يا ساره بس عندى بعض ملحوظات من وجهة نظرى
المتواضعة بالنسبة اخر فقرة فى الموضوع انا عن نفسي ممكن اخدها
لو مقلتش يبقى بتكدب والكدب بيضايق البعض ولو قالت ممكن فعلا الرجل
بداخلة يحس انه رقم 2 وليست الوحيد والحبيب الاصلي فعندك حق
بالنسبة انه ممكن يحصل مشاكل بس قصاد كده هيبقى كدب فحلها صعب شوية
مثل هذه المواقف وكمان مرة الف شكرا على تميزك معانا يا ساره

موضوع مميز الاخت ساره وتسلمي الايادي
ولاكن اذا قام الرجل بهذه الاخطاء بدلا من المرأه هل سيخسر الرجل بها أي فتاة ؟؟
لابد ان يكون الاثنين متحابين ولاداعي لفتح جروح او ماضي
فكيف الماضي يصبح مضارعا ؟؟؟؟؟؟؟

ميرسى يا معتز نورت موضوعى بنسبه لاخر فقره انا مش بقول ان هى تكدب عليه لا هى ممكن تقوله عل الماضى بس بدون شرح تفاصيل لان مكن ياخد الموضوع بمقارنه مع الشخص نفسهومع تفاصيل المشكله وشكرا على مرورك اخطاء ترتكبها البنات وتخسر بها اى شاب 1245619654

اخطاء ترتكبها البنات وتخسر بها اى شاب 1245619654

الاخت الفاضلة / سارة - تقولين هذا الكلام للبنات - ماذا تستطيعى أن تقولى للرجال - هل سوف تنصيحه بأن يكون تقيل ويكون كذا وكذا - متهيألى سوف يكون لك موقف مغاير تماما
أولا فى أحد المواضيع اتفقنا على أن هناك حسن اختيار لكلا الطرفين - يعنى من يصرح للاول فهذا ليس المهم - المهم ان يشعر كل من الطرفين بأن كلا منهم يكمل الآخر ولن يستطيع أن يكون بمفرده
ثانيا بالنسبة لآخر فقرة كما تناقشت مع معتز - اعتقد ان الماضى من حقى أنا فقط وليس من حق أى احد آخر - كان لى احد الاقارب يقول مثل ( اللقمة اللى تتفتش لا تأكل ) متهيألى معناها واضح ليه أنبش ليه اعقد مقارنة بينى وبين طرف لم أره ولا اريد ان اراه - يا أخت سارة انا متزوج منذ عام 85 وكانت زوجتى مخطوبة وكنت انا خاطب وبنضحك كل فترة على النصيب واقول لها بالظبط انه كان اهبل لما لم يكمل وهى برضه تقول لى نفس الكلام
ثالثا لكل تجربة سلبيات وايجابيات وليست عموميات يعنى ممكن آخد ما يناسبنى واترك مالا يناسبنى - وبعدين إيه العيب أن تبحث البنت عن الشاب الذى تريده - نفسى مرة تركبى مترو الانفاق من جوار جامعة عين شمس وشاهدى ماذا يحدث فيه من الفتيات تجاه الأولاد شاهدت احد البنات تضرب ولد بالقلم مرة على وجهه ومرة على قفاه وهو مبتسم وسعيد ( الرجل اصبح الآن غلبان - ولم يعد سى السيد عبد الجواد )
يا أخت سارة القيم القديمة تغيرت وأصبح لها مازورة جديدة للقياس ليس المازورة القديمة التى تعودنا عليها - ياريت تعيدى النظر مرة أخرى وأنا متأكد أنكى سوف تغيرين رأيك

اولا انا معاك ان كل واحد بيكمل التانى بس فى كتير من الاولاد بيفتكر ان لما البنت بتقرب اكتر ان هى مرميه عليه مش بيفتكر ان هى بتقرب منه علشان تفهمه لا دا بيفتكر ان هى لما صدقت وفى حاجه تانى (تباعدوا تحابوا ) يعنى كل لما الانسان بيعد حجات بسيطه بيعرف مقدرة كل واحد عن التانى وصدقنى عن تجربه وجهة نظرك ان الماضى يخص كل واحد هو فعلا بس فى ناس كتير بتحب تبنى حياته على كل صراحه ما بين الطرفين لان من اهم تاسيس الحياه هى الصراحه ومناقشة كل الامور بوضوح وتفاهم انا معاك ان البنت تدور على الانسان الا تحبه بس فى بنات كتيره بتفهم معنى الحب بطريقه خاطئه وفى شباب بتوصل للبنت عن طريقة كلمة بحبك وبتختلف من جيل لجيل الناس بتاعت زمان غير جيل الايام دى وتانى حاجه احنا مصريين اتربينا على عادات وتقاليد الصح والخطا وثقة اهلينا لينا وبجد انا سعيده جدا بمناقشتك للموضوع اخطاء ترتكبها البنات وتخسر بها اى شاب Sigpic112692_1

اخطاء ترتكبها البنات وتخسر بها اى شاب Sigpic112692_1

يا أبنتى لو سمحت لى بذلك - يعنى إيه الحياة تبنى على الصراحة - الصراحة من يوم الارتباط وليس قبل ذلك - أن الله سبحانه وتعالى يحاسب العبد من يوم اسلامه ومن يوم توبته فكيف يقوم العبد بمحاسبة العبد اللى زيه على ماسبق - وأى صراحة هذه التى تبنى عليها الحياة يا أخت سارة زوجتى تعمل وكيلة مدرسة ولها زملائها من الرجال تفتكرى ما لم أثق بها من أول يوم أرتباط كان حايكون الحال ازاى - ( واضح أن هناك تجربة سخيفة ) سوف اذكر لكى جزء صغير جدا تعتقدى لماذا فشلت خطبتى الاولى متأكد أنكى سوف تصعقى عندما تكملى القراءة بالنص قيل لى منها إنى متحجر العواطف وعند الاستفسار عن معنى الكلمة هل لا اعرف اتحدث فى الحب وماشابه قيل لأ دا أنت استاذ هل لا اعرف طريق الهدايا برضه لأ دا انت هداياك فخمة ولكن شرح لى أنى مش عارف اوصل احاسيسى بطريقة ملموسة خدى بالك من كلمة ملموسة ( يعنى بإيدى وبطرق أخرى مش عارف احسسها بأنوثتها زى الأفلام والعناق ......) هل لأنى اخاف الله اكون فاشلا فى الخطوبة - والله لم المس يد زوجتى إلا بعد كتب الكتاب - هل تعتقدى أنها سوف تذكر ذلك لمن يتقدم لها بعد ذلك بالصراحة التى تطلبينها ؟؟؟؟؟
الحياة تبدأ من يوم الارتباط وليس قبل ذلك ويكون الانسان الذى يسعى وراء ذلك مريض

ممكن اعرف حاجه ياترى الناس كلها تفكيره واحد ولا فى ناس بيبقى تفكيرها مريض فى كل حاجه والناس مش كلها زى بعض تحياتى اخطاء ترتكبها البنات وتخسر بها اى شاب A

اكيد كلامك صح - ده حتى فعلا ما فيش أخوات زى بعض وأنا معاكى فى هذا الكلام - ولكن عندما نتكلم بيكون عن المفروض اما عكس ذلك فهو فعلا المريض وما أكثرهم - بالتوفيق

ميرسى جدا لمناقشتك للموضوع وتقبل ارق تحياتى وكل عام وانتم بختحياتى اخطاء ترتكبها البنات وتخسر بها اى شاب A

ير

السلام عليكم
بصراحة يا محسن انت وساره وجهت نظركم صحيحة وانا معاكم
انته الاثنين لان انت تناقش الموضوع من زاوية ومعاك فيها
والاخت ساره ايضا من زاوية ومعاها فيها .
واهم شيء مراعاه ربنا فى كل شيء سواء عمل جواز صداقة
لكى ننعم بحياة افضل لكى تكون هادئة .

ميرسى اوووووووى يا معتز نورت موضوعى بس بجد زعلانه منك علشان نزلت الرتبه بتاعتى من نائبة المدير لمشرفه ينفع يعنى اخطاء ترتكبها البنات وتخسر بها اى شاب Sigpic301504_2

اخطاء ترتكبها البنات وتخسر بها اى شاب Sigpic301504_2

اولآ حابب اشكرك على عودتك الى منتداكى بقوى
ثانيآ وللاسف حصلت المشكلة دى بسبب تعديل تقنى فى الادارة
بس ان شاء الله ملحوقة واجتهدى انتى الان مشرفة بـ 4 نجوم و المشرفين
القادمين خلفك بقوة زهرة الايمان ومحسن فارق نجمة واحده بينكما
التفاعل مشتد بينكم

» من فضلك اقرأها بدون اخطاء
» خمسة اخطاء يقع فيها المصلين
» لتصحيح اخطاء الرجستري .. البرنامج المميز RegDoctor 1.94
» حب الشباب وحب البنات
» حب البنات انواااااااااااع