الفرق بيننا وبينهم نقطة

1- هم الغرب ونحن العرب .. والفرق بيننا نقطة.

2- هم يتفاهمون بالحوار ونحن بالخوار.. والفرق بيننا نقطة .

-3 هم يعيشون مع بعضهم البعض في حالة تحالف ونحن في تخالف .. والفرق بيننا نقطة .

-4هم يتواصلون بالمحابرات ونحن بالمخابرات.. والفرق بيننا نقطة .

-5عندهم المواطن100% مزبوط وعندنا100% مربوط .... والفرق بيننا نقطة

-6عندهم المواطن وصل الحصانة وعندنا لا زال في الحضانة.. والفرق بيننا نقطة .

-7عندهم إذا أخطأ المسئول يصاب بالإحراج وعندنا يبدأ بالإخراج .... والفرق بيننا نقطة ..

-8المستقبل لأبنائهم غناء ولأبنائنا عناء .. والفرق بيننا نقطة .

-9هم يصنعون الدبابة ونحن نخاف من ذبابه ... والفرق بيننا نقطة .

-10هم يتفاخرون بالمعرفة ونحن نتفاخر بالمغرفة .. والفرق بيننا نقطة

.شي يحزن والله

السلام عليكم ورحمه الله وبركاته
بجد موضوع هايل اوى
بس شر الباليه مايضحك
تسلم ايدك
ومزيد من التفوق
تقبل تحياتى

الفاضلة / دينا أشكرك على ردك الجميل - سؤال هو جمع دينا إيه - تمنياتى لكى بالصحة والسعادة

شكلك يا استاذ محسن مدرس لغة عربية ههههه
جمع دينا اقول انا ..؟؟

يا لورد - مش مدرس لغة عربية ولا حاجة بس هى مداعبة للاخت دينا - لأن حسب معلوماتى المتواضعة أن جمع دينا - ديون - وطبعا انت عارف بقى الفكاهة هنا لازم يكون لها دور - لأن الاخت دينا مغرقانة ديون ومجاملات بشكرها الشديد على الموضوعات - دعواتى لك بالصحة والسعادة

السلام عليكم ورحمه الله
فى البدايه كل الشكر والتقدير والاحترام لى حضرتك يا استاذ محسن
وثانيا: ابدا لا ديون ولاحاجه موضوعات حضرتك هى فعلا جميله واسلوب حضرتك فى الحوار كمان مهذب
وكمان ده اقل شىء الشكر لو كنت اعرف فوق الشكر كنت فعلت
على بذل مجهودك فى توصيل المعرفه لى محبى القراءه والاطلاع
ولك كل الشكر والاحترام

السلام عليكم ورحمه الله وبركاته
مفرد ديون : ِدين

والدال تحتيها كسره
ومعنى ِدين من أخذ شىء ووجب عليه الاستحقاق

وأسماء الآشخاص لاتجمع , وممكن تجمع اّذا كان الآسم صفه
مثل : هبه : ِهبات
والله اعلم

بصراحة يا محسن دينا ردت عليك رد الشافى وصحيح من وجهة نظرى
اقنعتنى بردها ممتاز دينا ولما اشوفك يا محسن كده تحرجنا وتقولى جمع دينا
ماشي لما اشوفك هههههههه

العزيزة / دينا كنت فاكر انك حاتاخدى بالك من كلمة الفكاهه
يا صديقتى انا حاسس أن الحوار اكاديمى مثلا ( اشكر حضرتك والتقدير والاحترام 000 ) قلت ناخد الحوار بعيد شوية عن كده وندخل فى شوية سعادة -
يظهر انى حطيت إيدى فى الكهرباء هههههههههه
كان لازم اقول حاجة غير الجمع والطرح -
معلش يا صديقتى عديها المرة دى -
واللورد بيقول على مدرس عربى -
ده طلع انك شيخة عربى ( المصباح المنير / مختارالصحاح )

عزيزى اللورد / واضح انك ماصدقت - وبدأت تسن السكاكين -

مش انا قلت لك انى صعيدى - أهو آدى النتيجة -
بس بجد من خلالك تتوسط بصفتك رئيس المنتدى عند صديقتنا دينا لتفوت هذه المرة -
لأنى بجد خايف تكون تضايقت
وبرضه اشكرها لذوقها وأدبها
وكفاية كده علشان انا قاعد قدام الكمبيوتر متنح

السلام عليكم ورحمه الله وبركاته

هههههههه انا حد من دول هههههههههه
ربنا يبارك فى عمرك

اولا : حضرتك مش محتاج واسطه أبدا

ثانيا :انا عمرى ما اضيق من حضرتك ابدا
وبعدين كلامك بجد زعلنى
لان حضرتك قوالتى انى زى بنتك
يبقى أذى يعنى الكلام ده اذى اضايق من كلامك

وثانيا انا عارفه ان حضرتك قوالت من باب الفكهاه بس قوالت لو حد دخل وقرأ المعلومه خوفت لاحسن مش يفهم انه من باب الفكهاه فقولت اوضح بس

ولك التقدير والاحترام
وتقبل تحياتى

يا أبنتى العزيزة / دينا - أنا دلوقت فى منتهى السعادة لأنك مش زعلانة - على فكرة انا بخاف جدا اضايق أى حد فما بالك لما تكون أبنتى - شكرا لاهتمامك بالرد وتقبلى تحياتى ودعواتى لكى بالصحة والسعادة

السلام عليكم ورحمه الله وبركاته
ربنا يخليك ويبارك فيك
بجد حضرتك انسان طيب جدا وحساس جدا
وتستحق كل الاحترام والتقدير
ولك منى كل الشكر والاحترام
تقبل تحياتى

» الفرق بيننا وبينهم نقطة
» صواريخ حماس تصل إلى ابعد نقطة منذ بدء الحرب
» شوفوا الفرق بين ال....؟؟؟
» ما الفرق بين انديتنا وبرشلونه
» الفرق بين الحب والاعجاب