امتحان فى اللغة العربية لسنة غير معروفة

السؤال الأول: التعبير

اكتب ما لايقل عن 650 سطر فى أحد الموضوعات التالية:

1- لم يجد الطفل غير الشارع ملجأ نظرا لحالة البلد الهباب..فاتجه إلى السرقة والقتل والحشيش. حتى نال جزاءه وقبض عليه متلبسا بباكتة بانجو.. اكتب قصته مع تسليم الحِرز للباشا مراقب اللجنة

2- شهدت بلدنا الحبيبة نهضة فى مجال التشييد والبناء وخصوصا بعد وصول سعر الحديد إلى 6500 جنيه للطن.. اكتب ما يمليه عليك ضميرك على أن يبدأ موضوعك بعبارة أنا باشتغل فى حديد عز

3- بعد انتشار ظاهرة أكل لحم الكلاب والحمير..من وجهة نظرك كحمار تكلم عن هذه الظاهرة ومن المتسبب فيها بدون غلط..الورق متراقب

ــــــــــــــــــــــــــــــــــــــــــــــــــ

السؤال الثانى: القصة

من قصة ' وعهد الله ما انت داخل الانتخابات' .. اقرأ القطعة وأجب عن الآتى:

(ثم أتى إليه وضربه بالجزمة وقال: انت عايز تترشح فى الانتخابات يامعفن؟؟ دانت عايز معجزة..مش كفاية بتاكلوا لحمة ومستورين.. عايزين إيه تانى؟)

الأسئلة:

1- ما هى اللحمة؟ أو على الأقل حدد أقرب معنى خيالى لها

2- مرادف معجزة فى اللغة ( تغيير وزارى – زيادة المرتبات – رغيف العيش) اختر يا مقلول البخت

3- لماذ ضربه الرجل بالجزمة وليس بالعصى مثلا؟؟

(أهو كسل .. لسة هيرفع العصاية؟ - عشان العصاية قلة قيمة برضه واحنا فى عصر الديمقراطية – عشان العصاية شغالة بس مش فى الضرب.. افهم انت بقى)

4- حلل بمزيد من التفصيل جملة ضربه بالجزمة ومدى توافقها مع جملة مصر بتتقدم بينا

ـــــــــــــــــــــــــــــــــــــــــــــ

السؤال الثالث النصوص

أجب عن أحد النصين الآتيين

من نص ( ماشربتش من نيلها)..اقرأ ثم أجب

(ماشربتش من نيلها.. جربت تغنى لها.. جربت فى عز ماتحزن تمشى فى شوارعها وتشكى لها)

1- بعد رغبة صاحبة النص فى أن تلد ابنتها فى أمريكا لتحصل على الجنسية الأمريكية..اختر..ما المقصود بنيلها فى النص؟

(المسيسبى - الأمازون – يونج يانج)

2- هذا النص من نصوص الحزب الوطنى والدليل وجود اسم مهم من قيادات الحزب فى النص.استخرج الاسم..وبوسه من بُقـُّه ورجَّعُه مكانه

3- أكمل الأبيات إلى آخر كحكة فى الكليب

4- قوبل النص بانتقادات بسبب بعده عن الواقع..وضح من النص ما يتفق مع القول المأثور اطبخى ياجارية .. كلف يا سيدى

ــــــــــــــــــــــــــــــــــــــــــــــ

السؤال الرابع

الخط

كوز المحبة انخرم..طرطش على كمى..ياحبيبى بطل جفا وارحم عذاب امى

اكتب الجملة السابقة ثلاث مرات بثلاث خطوط.. موبينيل وفودافون واتصالات..كما يمكن التحويل من خط لخط بنفس الرقم.. فقط اتصل بخدمة العملاء

السلام عليكم ورحمه الله وبركاته
حضرتك كده ..... أتكلمت عن حال البلد كله
ومحتاجين عصا سحريه ترحمنا من اللى احنا فيه
ربنا يهدى الحال
والحمد الله حالنا من اسوء الى اسوء جدا
شكرا ليك على المجهود
تقبل تحياتى

يا شماتت ابله طازه فيه

أشكـــــرك

هو معتز ليه ما يرد على هذه الاسئله

طبعا مشغووووول

ب / الـتـكـــتـــوك ... ؟؟؟

هههههههههههههههههههه

تحياتي

» المرأة في اللغة العربية
» **جوجل تضيف اللغة العربية إلى اللغات المعتمدة
» ** عجائب الدنياء الغير معروفة
» تعلم اللغة الانجليزية
» ** برنامج رائع جدا في تعلم اللغة الانجليزية