فن الرسم على السيارات

فن الرسم على السيارات

فن الرسم على السيارات 2

السلام عليكم ورحمه الله وبركاته
تـسلم الايادى افكار رائعه
شكرا على المجهود
تحياتى

فن الرسم على السيارات 5smEe-8BU5_892745722

ممتاز يا محسن بجد تصميمات جميلة جدا بس على ما أظن
انها مش مستحبه وممنوعة من المرور فى مصر مش كده برده . !

يا لورد الشمسية الامامية ( الاستكر ) على البرابريز الامامى أو الخلفى ممنوعة أى شئ معلق فى المراية سواء سبحة أو خلافه ممنوع - احنا القانون عندنا متطور على الآخر - انت عارف ان الطيار الحربى فى أى دولة اوروبية بيرسم اللى عايزه على طيارته - لكن احنا عندنا لازم المرحوم اسماعيل يس يكتب رقم الطيارة عليها اصلها عهده

ههههههه بس هما اكيد مش عايزين حاجة تخايل السائق
خايفين عليكم برده ههههه

سيارات في غايه الروعه والاخ معتز قال ان هذا ممنوع في بلده وايضا ممنوعا في بلدنا

يبقى بصره انا وحمزة يبقى موضوعك يا محسن ما ينفعش عندنا
عايزين حاجة تنفع معانا ههههههه Laughing

الاخ المدير العام كيف هذا الموضوع جميلا جدا وكم اعجبني الرسومات اذ انها تعطي السيارات شكل جديد ومنظرا رائع

يا حمزة اخونا معتز عايز يهزر معايا وبيتفق معاك فىا الرأى يعنى تفتكر حا آخد الرسومات دى وأروح منتدى تانى ما ينفعش انا شهادة ميلادى متسجلة فى المنتدى ده - يروح هو بقى يعمل مدير عام فى منتدى تانى - تعالى بقى يا معلم حمزة نتفق احنا بقى عليه

هل اخي رحمه الله كان كذالك مع الاخ معتز ومعك اذ انا اتفق مع الاخ معتز الرسومات غير صالحه في هذا المنتدى وارجوا التركيز اكثر انت اكبرمنا سنا كما اتفقنا بهدي النفوس

ماشى يا معلم حمزة بداية غير مشجعة يعنى عايز تتفق مع معتز على - ماشى يا معلم اصل انا بقيت كبير فى السن ههههههههههههه - على فكرة ياحمزة كانت حوارتنا مع ابراهيم ومعتز ودينا وابو وئام على هذا المنوال - ازاى نجعل من حوارنا مع بعض فكاهة لذيذة

نجعلها فكاهه لذيذه ان تشاركنا بوجودك ولاكن الاخت دينا انها فتاه فكيف لربما تزعل وللمرأه احترام خاص في الاسلام فكيف يكون المزاح ؟؟؟؟

يا حمزة هل وجدت فى حوارنا معك لغاية دلوقتى خروج عن أى شئ - متهيألى حوارنا كله فى منتهى الأدب وروح الفكاهة والمزاح هى الغالبة - وبعدين شوف لغاية دينا وكله يفرمل لأنك اعلم بما قاله رسولنا الكريم صلى الله عليه وسلم ( رفقا بالقوارير ) دى احنا بنخاف عليها جدا واستحالة ان نهزر معها بأى اساءة ولكن هزارنا أو مزاحنا معها فى حدود المسموح وليس خروجا عن الاصول والاعراف - بس المهم تكون انت مستمتع بحوارتنا مع بعض

حواركما جميلا وجيدا وليس به اي شيء والمزاح بالتأكيد سيكون في الحد المسموح وانني اتعجب من الاخت دينا فقط والخوف من ان تزعل لا لم استوعب انها صدمه في الرأس كيف انها فتاه ولها حرماتها واكرامها اني استعجب ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

يا حمزة فعلا انا مش فاهم انت عايز تقول إيه من ناحية دينا - فعلا انا محتاج للترجمة فى كلام مش قادر اوصل لمعناه - مطلوب التوضيح ارجوك

الفاضل حمزه
نعم حضرتك بتقول ايه
انا الحمد الله اعرف حدودى كويس جدا
وانا لم اتعدى حدودى ابدا
ومن فضلك فكر فى كلامك اقبل ما تقواله
علشان الكلام ده كده موش كويس

يا دندون فيه إيه يا أبنتى - بالامس كان كلامنا على عدم التوتر وبلاش دماغ سوهاج حمزة مش مستوعب كلامنا مع بعض خصوصا وانك بنت - لازم تعرفى ان فيه مفاهيم مختلفة بيننا وبين ناس آخرين - حمزة بيسأل خايف انك تزعلى من المزاح كما يسميه - وبعدين يا دينا يا أبنتى هو بقاله معانا قد إيه ده ما فيش يومين بس - لم يعرف محسن ولا معتز ولا دندون ملبسة المنتدى الرقيقة النسمة الهادئة الغير متوترة - ياريت نهدى اللعب شوية لغاية كل واحد منا ما تعرف على الثانى - انتى عارفه انه قاعد فى السعوديه وزى ما قلت سابقا كل مجتمع وله مفاهيمه - كفاية يا صعيدية بطلى تبقى زى محسن - على فكرة انا دائما اقول لمنة الله سيبى لابوكى حاجة مش كل حاجة تكونى زيه

يا استاذ محسن هو يصح اصلا كلامه ده
وبعدين هو بيتكلم على ايه
هوبيتكلم على موضوع حضرتك
برج خليفه اعلى برج فى العالم

عارف حضرتك اكبر من بابا
وانا بك ليك كل احترام والمنتدى كله يعلم ان حضرتك بتعاملنى ذى بنتك
وانا كمان حضرتك الاب الروحى ليه
يعنى كلالامه يزعل جدا
وبعدين الموضوع كله موش يستهال انه يتكلم عليه كده
بس كويس

يا أبنتى الغالية عليا قوى - نفسى اعرف انتى انفعلتى ليه - اكيد هو عايز يعرف حدوده فى الكلام معك - وبعدين يكون الكلام بالتروى بمعنى نسأل إيه المقصود من الكلام اولا بعد التوضيح يا أما تكونى متنمرة وصعيدية زى حالاتى يا إما تكونى النسمة الرقيقة - تعلمى بقى يا منة الله قصدى يا دندون متى تظهرى المخالب ومتى يكون الحرير - نفهم الاول وبعدين نعاتب - ارجوكى الهدوء ولا داعى للتوتر- حا اقول لك تانى الواحد لما بيكون عايز يهدأ بيحاول يتكلم معاكى

يا استاذ محسن
انفعالى لانه قال كلام يزعل جدا ده فى التلميح لى اشياء كتير
شوف المحترم الفاضل كاتب ايه
استوعب انها صدمه في الرأس كيف انها فتاه ولها حرماتها واكرامها اني استعجب ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

كيف يقول عليه كده وانا بقول عليه اخى الفاضل

انا قولت ربنا رزقنى بأبنتين زى بعض واحدة كبيرة ونقلت للصغيرة نفس التصرفات - يا أبنتى الكبيرة شوفى الكلام من الأول نجعلها فكاهه لذيذه ان تشاركنا بوجودك ولاكن الاخت دينا انها فتاه فكيف لربما تزعل وللمرأه احترام خاص في الاسلام فكيف يكون المزاح ؟؟؟؟ لغاية كده متفقين ( خدى بالك هو خايف تزعلى من مزاحه معك ) بعد كده حواركما جميلا وجيدا وليس به اي شيء والمزاح بالتأكيد سيكون في الحد المسموح وانني اتعجب من الاخت دينا فقط والخوف من ان تزعل ( خدى بالك هو خايف تزعلى من مزاحه معك )
بعد كده نسأل إيه المقصود من الكلام - ولما يأتى التوضيح يكون لنا رد إما بالمخالب أو بالحرير - اهدى بقى شوية وبلاش انفعال ويظهر أن الغدا ماكانش قد كده ولا يمكن الفاكهة كانت جوافة وبلح احمر مش كمثرى وكيوى وتفاح صينى

حاضر يا استاذ محسن
وانا هاديه جدا
وربنا يخليك يارب

بس والله علامات الاستفام والتعجب ضيقتنى جدا
انا منتظره رده
كما كنت اتمنى انه يكون موجود حالا علشان يرد

بتعرفى تعملى قهوة - قوام روحى على المطبخ وطلعى زجاجة مياه ساقعة من الثلاجة وهاتى الكنكة بتاعة القهوة وحطى فيها كمية السكر اللى انتى عايزاها ومعاها البن اذا كنتى عايزاها ثقيلة وبوش ثقيل تبقى ملعقة ونصف واذا كانت خفيفة تبقى ملعقة واحدة وبعدين المياه الساقعة ولا ترفعى الملعقة من الكنكة وعلى نار هادئة جدا سيبى المياه والبن والسكر حا تلاقى البن صعد لاول الكنكة سيبيه ولما الماء يسخن شوية بالملعقة وقلبى السكر والبن وطلعى بقى الملعقة وبعد شوية قلبى ثانى واستنى لما وش القهوة يقرب يطلع خارج الكنكة وبعدين صبيها فى كوب بلاش فنجان - شوفتى بقى ولا خطة الصاروخ حيتس بتاعك دى حرب اكتوبر اسهل من كده - كل ده علشان تهدى ونغير الموضوع - والله ما فرقتى كتير عن منة الله قال وانا قاعد اقول نفسى انها تطلعلك وتكون فى هدوءك ورزانة عقلك - عارفة انا لو كنت اعرف موضوع العرق الصعيدى كنتى برضه اتمنيت كده هههههههههه

هههههههههههههه Very Happy

مليش ذنب البرمجه كده
وهى نزله من التوكيل كده
والمصدر الاساسى والراعى الرسمى كده برضوا
ربنا يخليك يارب ويبارك فيك ويحفظك
بس والله فى حاجات غصب عنى موش بقدر اتحمالها ابدا
وتتعب نفسيتى جدا Sad

غصب عنى بجد
اشكر حضرتك على الاهتمام وعلى تعبك معايا
ربنا يحفظك يارب
وتشوف منه احسن من الدنيا كلها ان شاء الله

يبقى اكيد طريقة عمل القهوة ما عجبتكيش - طيب قولى انتى طريقة ثانية علشان اتعلم Smile

» أحدث موديلات السيارات فى العالم
» السيارات الايطاليه تحرق القلوب بقوه
» صور لفن الرسم على الريش والله ريش
» الرسم بالبيض
» الرسم على الماء