** حصرى ( اختفاء القمر الصناعي المصري )

اختفاء القمر الصناعي المصري "إيجيبت سات 1"

فقدت هيئة الاستشعار عن بعد وعلوم الفضاء المصرية اتصالها بالقمر الصناعى

البحثى «إيجيبت سات ـ 1»، منذ 3 أشهر، بعد خروجه عن سيطرة أجهزة

التحكم فى موقع للبرنامج الفضائى المصرى بصحراء طريق «مصر ـ السويس».

واعترف الدكتور «أيمن الدسوقى» رئيس «هيئة الاستشعار عن بعد»، بفقدان

السيطرة على القمر الصناعى واختفائه من أجهزة المراقبة فى موقع التحكم.

وقال إن المهندسين يحاولون التقاط القمر مرة أخرى، وإعادته إلى مداره، مشيراً

إلى أن إعادة التحكم فى القمر قد تحدث فى أية لحظة، وأن فقدان السيطرة

عليه كان قد حدث مرتين من قبل، واستطاعت الهيئة التقاطه بعدهما, وفقا للمصري اليوم.

مشاكل في المشروع الفضائي:

وقال مصدر مسؤول بالبرنامج الفضائي إن القمر، الذى يعد أول قمر صناعي مصري

للاستشعار عن بعد، اختفى من مداره بسبب فقدان أجهزة التحكم السيطرة عليه منذ

يوليو الماضي، واختفائه من شاشات المراقبة، لافتاً إلى أن السبب قد يرجع إلى نفاد

الطاقة من بطاريات القمر.

وأضاف أن المشروع الفضائي المصري أصبح يعاني العديد من المشاكل، خاصة

بعد هروب العديد من المهندسين المصريين الذين تدربوا على إدارة القمر على

يد الخبراء الأوكرانيين، وتوجههم للعمل فى برامج فضائية بعدد من الدول العربية،

عقب مغادرة الخبراء الأوكرانيين موقعي تحكم واستقبال صور القمر

على طريقي «مصر - الإسماعيلية» و«أسوان»، وتسليمهما للإدارة المصرية.

وأشار المصدر إلى أن القمر تم إطلاقه من على متن الصاروخ الروسي

«دنيبر-1» في 17 أبريل 2007 من قاعدة باكينور لإطلاق الصواريخ

بكازاخستان، بعد تأجيل موعد إطلاقه مرتين، مضيفاً أنه تكلف 21 مليون دولار،

من بينها 6 ملايين دولار تكلفة الإنشاء، و11 مليون دولار أبحاثًا ورواتب

وإقامة للخبراء والمهندسين، و3 ملايين دولار تأمينًا، وأشار إلى أن القمر

يدور حول الأرض مرة كل ساعة ونصف الساعة، ويلتقط صوراً

وخرائط بدقة 8.7 متر، وأن تشغيله يكلف مصر 35 مليون دولار سنوياً.

بصراحة الى الان مش عارفين السبب الحقيقى وراء فقدانه
هل مثل ما البعض بيقول ان عمره الافتراضي انتهى والبعض
الاخر يقول السبب فى المتحكمين فيه من الارض والى الان السبب
الحقيقى مش واضح . بس حابب اوضح شيء للبعض ان القمر ده
غير القمر 201 الحامل لقنوات التلفزيون الذى اطلق من قرابه
الشهرين وشكرآ جزيلا على المجهود اخت زهرة الايمان

السلام عليكم ورحمه الله وبركاته
الفاضل اللورد
شكرا لى مرورك الكريم
هل مثل ما البعض بيقول ان عمره الافتراضي انتهى والبعض

لا حضرتك عمره الافتراضى ينتهى فى 2013
يعنى لسه باقى عليه 3 سنوات
اشكرك على المرور

بداية يا زهرتى - الموضوع هايل ومشوق - ونفسى اشوف الهيرو المصرى وهو واخد روبوت وطالع الفضاء ويحارب بقى شوية المتسولين اللى خطفوا القمر ويرجعه لمداره وتصفيق حاد بعد العملية ما تتم - يا أبنتى شكل نشر الموضوع متهيألى له هدف آخر غير اللى فى دماغنا -يعنى تفتكرى يندفع الملايين دى كلها علشان قمر لمدة 6 سنوات وكل سنة يكلف كام مليون برضه اعتقد الزمن مبالغ فيه شوية ده أولا - ثانيا يا أبنتى ليس هناك مهندسين طفشوا - الحكاية ان المهندسين دول راحو فعلا اوكرانيا للتدريب وعادوا وبيمارسوا مهامهم وليس معنى ان واحد أو اينين يبقى الكل هرب - على فكرة لو تحبى اذكر لكى اسماء المهندسين والدكاترة مهندسين اللى شغالين مع هيئة الاستشعارعن البعد فى مشروعات الاقمارالصناعية - وثالثا الهيئة عندنا احد الجهات التى تعمل مع الاستشعار عن البعد فى موضوعات الاقمار الصناعية - هل سألتى عن الغرض من وضع قمر صناعى فى الفضاء - اكرر ان هناك غرض آخر من النشر لا نعرفه

انا اعلم ان بعض الكواكب تنحرف عن مسارها الطبيعي ولربما هذا القمر الصناعي قد يكون انحرف عن المجره والله اعلم تسلم الايادي الاخت زهره الايمان على هذه المعلومه

الموضوع ده الغز اللى فيه عند محسن هو شكله كده
يعرف حاجات بس بخلان علينا بيها Laughing

السلام عليكم ورحمه الله وبركاته
الفاضل اللورد
لا موش اعتقد لانه السبب غير معروف بس ممكن نقول ذىالخاتم قال
انحراف القمر عن المجره
شكرا للمرور

الخاتم الاسود كتب:: انا اعلم ان بعض الكواكب تنحرف عن مسارها الطبيعي ولربما هذا القمر الصناعي قد يكون انحرف عن المجره والله اعلم تسلم الايادي الاخت زهره الايمان على هذه المعلومه

الفاضل خاتم
انا فعلا اتفق معاك فى الراى وشكرا لى مرورك الكريم
واشكرك على كلامك الطيب

mohsen hassan كتب:: بداية يا زهرتى - الموضوع هايل ومشوق - ونفسى اشوف الهيرو المصرى وهو واخد روبوت وطالع الفضاء ويحارب بقى شوية المتسولين اللى خطفوا القمر ويرجعه لمداره وتصفيق حاد بعد العملية ما تتم - يا أبنتى شكل نشر الموضوع متهيألى له هدف آخر غير اللى فى دماغنا -يعنى تفتكرى يندفع الملايين دى كلها علشان قمر لمدة 6 سنوات وكل سنة يكلف كام مليون برضه اعتقد الزمن مبالغ فيه شوية ده أولا - ثانيا يا أبنتى ليس هناك مهندسين طفشوا - الحكاية ان المهندسين دول راحو فعلا اوكرانيا للتدريب وعادوا وبيمارسوا مهامهم وليس معنى ان واحد أو اينين يبقى الكل هرب - على فكرة لو تحبى اذكر لكى اسماء المهندسين والدكاترة مهندسين اللى شغالين مع هيئة الاستشعارعن البعد فى مشروعات الاقمارالصناعية - وثالثا الهيئة عندنا احد الجهات التى تعمل مع الاستشعار عن البعد فى موضوعات الاقمار الصناعية - هل سألتى عن الغرض من وضع قمر صناعى فى الفضاء - اكرر ان هناك غرض آخر من النشر لا نعرفه

السلام عليكم ورحمه الله وبركاته
اوك من فضلك اى معلومات توصلك ارجوك تقول لينا عليها
لاننا مهتمين جدا بالمعرفه
شكرا للمرورك الغالى

يالورد أنت الوحيد اللى يعلم أين اعمل وما طبيعة عملى بالظبط - تفتكر مكانى أو موقعى يسمح لى بأنى أقول معلومات عن هذه الموضوعات بالطبع اشك انك حا تقول نعم - يا زهرتى فعلا بيبقى فيه انحرافات للأقمار الصناعية عن مسارها ولكن بالتأكيد هذا ليس متروك للصدفة وبيكون معمول حساب أى حاجة ممكن تخطر على بالك أو على بالى أو على بال طفل حتى - يعنى مافيش حاجة متروكة للصدفة - انتى الأول عارفة معنى خروج قمر عن مساره بيحصل إيه ( دى كارثة ) القمر الصناعى يا زهرتى بعد انتهاء زمنه بيكون موجه لأن يتجه لمسار متفق عليه لا يمر فيه اقمار أخرى - بلاش انتى عارفة اولا الطيار بيمشى فوق فى السماء ازاى وهو معاه خريطة مش البوصلة والكلام ده لأ يا أبنتى تلاقى الطيار يبعد عن هذا لأن فيه مطب هوائى ومايخشش من هنا علشان التراك ده فيه مش عارف إيه يعنى مش حاجة سهلة

السلام عليكم ورحمه الله وبركاته
الفاضل ابى الغالى
بص حضرتك عرفنا بصوت براحه علشان محدش يسمع وعرفنا طيب
ويارب تكون حضرتك بخير

يا أبنتى الغالية - بطلى شقاوة بقى - المهم انك توزنى الكلام وتشوفى ممكن يندفع المبالغ الرهيبة دى وبعدين القمر ينحرف ( عيب الدولة انها لم تربيه وهو صغير وسابته يشرب الحاجات الممنوعة لغاية لما انحرف )
يا دندون اللى مسموح بيه : ان احنا قربنا نطلع ايجبت سات 2 - وبرضه مع اوكرانيا وبرضه من نفس القاعدة وعلى نفس الصاروخ ( فى اوروبا يستخدمون صاروخ اسمه اريان بفرنسا وناسا بأمريكا ) والتكلفة للقمر لا تصل حتى لنصف المبلغ المذكور وتكاليف الادارة تكلفة خايبة جدا مش بالرقم برضه المذكور - ودلوقتى دخلت فى نفس المواضيع الهند والصين - والقمر ايجيبت سات 1 كتر خيره (عموما هو كان فاضل له شهور قليلة أو يمكن أيام ) - والاقمار تظبط نفسها بنفسها بعدد من حاجة اسمها السينسور - مدة الاقمار دى كحد أقصى 5 سنوات والاقمار العسكرية كحد أقصى 10 سنوات ( عايزة تعرفى حاجة ثانية ) متهيألى انا قلت حاجات كتير بس مش فيها الحاجة اللى انتى عايزاها

السلام عليكم ورحمه الله وبركاته
الفاضل ابى الغالى
تسلم الايادى ...وشكرا جدا
المعلومه وصلت خلاص.. وكلام حضرتك فى المعلومه واضحه
اللى كنت عاوزه اتاكد منها
وخلاص موش هيكون فى سؤال ولا عروستى تانى
ربنا يحفظك من كل مكروه

شكرا جزيلا لك يا محسن على معلوماتك

» اخبار اختفاء القمر الصناعي
» أخر أخبار القمر الصناعي المصري
» نجاح اطلاق القمر الصناعي الجديد نايل سات 102
» صور خسوف القمر
» حقائق مدهشه عن القمر