طريقه عمل الكباب المشوي

الكباب المشوي على الفحم

المقادير :

كيلو لحم مفروم

بصلتان حجم متوسط

ثوم

بقدونس يعني ربع الحزمة

ملعقة متوسطة كلا من ملح ،بهارات مشكلة

فلفل أخضر أو أحمر حار

علبة ونص زبادي

ملعقة كبيرة بيكنج بودر لتطرية اللحم

الطريقة :

ضعي اللحم المفروم في الخلاط الواسع ثم أضيفي البصل والثوم والفلفل الحار واخلطيه مدة 2 ثانية

بعدها أضيفي البقدونس والزبادي والملح البهارات والبيكنج بودر

واخلطيه جيداً حتى يكون البقدونس شبه مفروم

ضعي اللحم في إناء زجاجي أو بلاستيك واتركيه مدة نصف ساعة في الثلاجة

احضريعيدان الشوي وذلك بعد نقعها في الماء حتى لا تحترق

وقومي بلف اللحموتشكيله على العيدان وذلك بكف اليد ثم تمرير

الأصابع عليها ليأخذا شكلالكباب

أثناء التشكيل جهزي الفحم وقومي بإشعاله وضعي اللحم على الفحم وقلبيه حتى لا يحترق

جهزي صلصة عبارة عن زبدة وبقدونس مفروم وقليل من

معجون الطماطم وقومي بدهن قطع الكباب عند قراب الاستواء

قدمي الكباب في طبق التقديم مع الأرز وزينيه بالبصل المشوي ،

وممكن تقدميه مع الخبز الأبيض

وبالعافيه
***************
تحياتي

بص يا خاتم ده انا أعرف ان اسمه كفته مش اسمه كباب - الكباب عندنا فى مصر هو اللحم الضانى المتبلة وتوضع فى الاسياخ أو العيدان وتوضع على الفحم - فى حاجة بقى اقولك عليها مع اللحمة وهى بتفرم فى حاجة اسمها ليه وهى ذيل الخروف الذكر تأخذ قطعة منها وتوضع مع اللحم اثناء الفرم وجرب - فى حاجة ثانية فى حاجة اسمها طرب بفتح الطاء فقط وهى فى الانسان الغشاء البريتونى وهو عبارة عن فرشة فوق الامعاء وتجدها بيضاء وخفيفة تكاد تكون شفافة تلف على اللحم المفروم بعد وضعه على العيدان وتوضع على الفحم -

السلام عليكم ورحمه الله وبركاته
الفاضل خاتم
تســــــــلم الايادى

حضرتك النهارده .... بجد رائع

انا هعزم نفسى عندك النهارده

موضوعاتك اكتر من رائعه

تسلم الايادى

تحياتى

كتب محسن :

بص يا خاتم ده انا أعرف ان اسمه كفته مش اسمه كباب - الكباب عندنا فى مصرهو اللحم الضانى المتبلة وتوضع فى الاسياخ أو العيدان وتوضع على الفحم -فى حاجة بقى اقولك عليها مع اللحمة وهى بتفرم فى حاجة اسمها ليه وهى ذيلالخروف الذكر تأخذ قطعة منها وتوضع مع اللحم اثناء الفرم وجرب - فى حاجةثانية فى حاجة اسمها طرب بفتح الطاء فقط وهى فى الانسان الغشاء البريتونىوهو عبارة عن فرشة فوق الامعاء وتجدها بيضاء وخفيفة تكاد تكون شفافة تلفعلى اللحم المفروم بعد وضعه على العيدان وتوضع على الفحم -

انا اعرف انكم باسم : كفته ... واسمها في السعوديه وتركيا كباب

مش مهم الاسماء ... المهم اللذه والطعم ...

وبذكرك للليه أعرف وشخصيا انا افرم ليه معها واكثر الليه شويه

تبقا تجنن اكثر ....

تحياتي

كتبت دينا :

تســــــــلم الايادى

حضرتك النهارده .... بجد رائع

انا هعزم نفسى عندك النهارده

سلمكي الله من كل مكروه .. اشكر مرورك ومشاركتك الهاااااائله

انا هعزم نفسى عندك النهارده ... اهلا وسهلا ونفرشلك الارض ورود .. بس

بسرعه شويه لحسن محســن اذا شاف الكلمتين دول حيخلصلك الاكل كله او ....

ههههههههههههههههههههههههههههههه

تحياتي

السلام عليكم ورحمه الله وبركاته
الفاضل اخى خاتم

انا هعزم نفسى عندك النهارده ... اهلا وسهلا ونفرشلك الارض ورود

وانا عارفه ان حضرتك كريم

واشكرك على كرم اخلاقك

حفظك الله كل مكروه

تحياتى

انته نستونى خالص فى العزومة دى ماشى ماشي
وكنت عايز اوقل مثل محسن يا خاتم عندنا اسمها كفتة بس عليك
شوية وصفات تجوع يا خاتم تسلم ايدك ومحسن شكلة طباخ ماهر شرحلك
وصفتين على الماشي بس يا محسن خاتم تلقيه مقضيها كبسه ودندى
مش اسمه كده صح دندى .؟؟

بص يالورد انا النهاردة عيد ميلادى ومش عايز اقول كلام لخويا هيما - لكن انا فعلا طباخ ممتاز بشهادة اولادى وحرمنا ( يظهر هما فرحانين ان فى واحد بيطبخ بدل امهم وامهم فرحانة برضه ان فى واحد شايل الليلة وساكت ) بس بجد انا فعلا بطبخ كويس واعمل حلويات هايلة - وبرضه مش حارد على الخاتم النهاردة - عايز افضل فرحان

كتبت دينا :

وانا عارفه ان حضرتك كريم

واشكرك على كرم اخلاقك

ده من اصلك الطيب .. ومن حق الضيف الكرم وحسن المعامله والترحيب به طال اقامته

تحياتي

كتب معتز :

انته نستونى خالص فى العزومة دى ماشى ماشي
وكنت عايز اوقل مثل محسن يا خاتم عندنا اسمها كفتة بس عليك
شوية وصفات تجوع يا خاتم تسلم ايدك ومحسن شكلة طباخ ماهر شرحلك
وصفتين على الماشي بس يا محسن خاتم تلقيه مقضيها كبسه ودندى
مش اسمه كده صح دندى .؟؟

ما نسيتك بس محسن يقول انك في القلعه مع فوج سياحي وتدورو على الهرم ههههههه

ومش مهم الاسماء في الاكل عندكم وعندنا المهم اللذه والطعم
سيبك من محسن عنده عيد ميلاد وشكله غير الناس

الناس بتتكلم في عيد الميلاد بس محسن يتلجم ههههههههه

ومش اسمه دندى اسمه مندي ونوع اخر اسمه ندي

والاثنين مثل بعض فقط يختلف اللون

المندي الارز ابيض عليه صبغت الطعام المعروفه زعفران او لون الزعفران

والندي الارز ابيض بدون اي صبغه او اضافه

تحياتي

اتكلم انا ولا تتكلم متهيألى خليك فى اللى انت تعرفه يعنى انت كبيرك تسلق بيض وتعمل شاى فتلة لكن المندى والندى بلاش - وعندنا حاجة فى مصر اسمها دندى وياريت بقى تحاول تعرفها زى ما أنت عارف وكالة البلح وقلعة الكبش والحبانية وجامع بن طولون وشارع السد
طريقة تحضير المندى بالصور

المقادير

دجاجه(او اكثر حسب عائلتك)
قليل من الخل+ليمونه واحده +رشه كمون(لتنقيع الدجاج قبل الاستخدام حتى
لاتظهر له رائحه ويكون زاكي جدااااا)
بهارات لتتبيل الدجاج(كمون،فلفل اسود,خولنجان,ملح,ك----ة ناشفة,كركم,قرفة,زنجبيل)
قليل من الزيت
رز (على حسب عائلتك)والرز المستخدم هنا (ابو كأس)
الاستعداد
نشعل الفحم
ونحضر ماء مغلي
ونحمي الفرن مسبقا
نحضر القصدير (على حسب كبر الصينيه)

الطريقه ...
يقسم الدجاج الى نصفين ثم ينظف جيدا ويوضع في بايركس ونضع عليه الخل والليمون
والكمون وتفرك الدجاجه بالليمون جيدا(صوره 1)
ثم تغسل الدجاجه مره اخري من الخل ثم نشرح الدجاج بالسكين (طولي) (صوره 2)
ثم نخلط البهارات التاليه مع بعض(كمون،فلفل اسود,خولنجان,ملح,ك----ة ناشفة,كركم,قرفة,
زنجبيل)(صوره 3)
هذه صوره الخولنجان للبنات اللي مايعرفونه(صوره 4)
ثم تتبل الدجاجه بالبهارات مع الحرص على ان تدخلي قليل من البهارات بين الفتحات اللي عملناها (صوره 5)
نأتي بصينيه بايركس او اللي عندك وندهنها بالزيت(صوره 6)
ثم نضع الدجاج المتبل في الصينيه (صوره 7)
نضع عليها الماء الساخن الى نصف الدجاج(صوره
ناتي بفنجان ونضع فيه الزيت ثم نضع بداخله الفحم (انا ماكان عندي طبيعي فستعنت بهذا)
وبسرعه البررررررق غطي الصينيه (صوره 9)

ثم نضعها في الفرن صوره(1)
بعد مايستوي الدجاج نضعه في صينيه اخرى ونحمره في الفرن(صوره 2)
نحتفظ في المرق (صوره 3)
يغسل الرز جيدا وينقع في الماء الحاااار ثم يصفى (صوره رقم4 )
المستكه للبنات اللي مايعرفونها (صوره 5)
في القدر نضع المرق بس انتبهي رااح تكون البهارات مترسبه في أسفل الطاسه انتي
حاولي انك تاخذين الماء فقط
ونضع عليه الرز (طبعا المرق رااح يكون قليل جدا بالنسبه لكميه الرز )انتي تكونين محضره ماء
مغلي وزيديه حتى يغمر الرز
ثم نضع (حبتين مستكة+حبتين هيل+قرفة) وتأكدي من ملح ماء الرز(يعني ضبطيه)
ثم يوضع على النار حتى تبدأ بظهور الفقاعات(مثل البركان)
نغطيه بالقصدير ونوطي على النار
الى وقت التقديم
نضع الرز في الصحن ونضع فوقه الدجاج ويزين بالبصل والزبيب واللوز المحمص.....
وبالعافــــــيــــه ....

اشكرك على الاضافه الجميله ...

بس لو نزلت موضوعك بصفحه جديده تحت اسم طريقه عمل الحضير المنتدي

حتا يشاركوا الاعضاء ويتعلمو الطريقه

وعموما تسلم الايادي ....

تحياتي

محسن اوعى تكون زعلان من هيما بجد حاسس بردك عليه
فى حاجة يارب متكنوش زعلنين من بعض ولو فى حاجة
ياريت تتجوزوها ولكم جزيل الشكر

كتب معتز ك

محسن اوعى تكون زعلان من هيما بجد حاسس بردك عليه
فى حاجة يارب متكنوش زعلنين من بعض ولو فى حاجة
ياريت تتجوزوها ولكم جزيل الشكر

اشكرك على الكرم الكبير ده يامعتز هو انت فينك من الحوار ات الي حصلت..

واحب اطمئنك مفيش اي زعل

ولاحتا في ميه ولا لحمه ..هههههههههه

تحياتي

طب الحمد الله طب فين محسن ودينا انهارده اجازة ولا
ايه راحو فيييييين يارب يكون المانع خير

تفتكر يالورد انى ممكن ازعل من الخاتم - ده اصبح الفاكهة بتاعة المنتدى - طبعا مش ممكن بس انا اضفت الموضوع علشان هيما بيقول ان مافيش حاجة اسمها دندى وان المندى أو الندى هو أرز ابيض بصبغة وبدون - لأ يا معلم الدندى عندنا فى مصر هو الديك الرومى وبالمناسبة اسمه بالانجليزية توركى ههههههههههه وأنا نزلت الموضوع علشان يتعرف ان المندى هو ده

الاخت دينا مشغوله في منزلها فهي بنت وشغلها لامنزل كما نعلم وغير ذالك من بقيه انشغالها
اما الاخ محسن فهو الان يفتكر الاجابه ههههههههه

شكرا على كلماتك الجميله واشكرك اكثر على التوضيح لاسم الديك الرومي وما هو اسمه بالعربي
الديك الحبشي وباتركي عندنا اسمه هندي كل بلد ولها اسما متعلقا بأسما دول او محافظه وغير ذالك

» طريقه عمل الكباب ( كفته )
» ريش اللحم المشوي بالروز ماري
» فخذ اللحم المشوي بالبطاطس
» السمك المشوي بالفرن
» لحم الريش المشوي على الفحم